Lirnghing lak ah fimkhur rawh

Mizoram hi lirnghing (earthquake) natna lai ber zone-V ah a awma, seismic coeff pawh 0.8 lai a ni. Tin, tlang ram a nih bawk a vang hian uluk taka kan in te leh thil dang kan sak te uluk zual a ngaia, cement concrete hi mahni duh thu thu a tih mai mai tur a nilova,helam a thiamna nei te rawn thin tur a ni. Lirnghing tih chhiat theih loh building hi sak theih a nilova amaherawh chu enge maw chena him thei tur chuan a duan theih a ni. Kan ram lei (soil bearing capacity) hi hmun then khat ah chuan a hniam em em a,kan foundation te hi uluk hle tur a ni. Mahni intih hriat leh vai mistiri tih ang mai mai a tih tur a nilova,keimahni,kan unaute,kan nu leh pa,nupui fanau te hna thawhna leh chenna tur a nih a vang in uluk taka RCC hna hi thawh thin tur a ni.

Foundation,ban,beam,slab etc te hi uluk taka siam thin tur a ni.

Kan State ngei ah pawh lirnghing na vak lo a thleng zauh zauh,kan in buatsaih tan a ngai a ni. Kan thilsakna hman rua te,kan design te uluk hle tur, kan thilsak chu a nalh in a tha hle tur a nia kum tam tak tha taka awm thei tur a ni tur a ni. Pawngpaw nalh hlur ringawt nilovin a chak in a him tel tur a ni.

Mizoram ah vai mistiri leh tute emaw ngaihdan mai maiin in leh thil dang kan sa-a engtik ah emaw kan tan hlauhawmna thlen thei tu a ni thei a tin rei lo te hnu ah a chhe leh mai thin a ni.

RCC Structure te hi a that em a vang in a chhe nghal rum rum lo a ni theia,ngaihthah chi a nilo tih hriat a tha.

IN HIM THA HI KAN NUNNA A TAN A PAWIMAWH A NI.